انا اللى بعانى من حالى واحوالى
ولما بلاقى حد يعانى
ماقدرش اقول وانا مالى
وبجرى عليه اشيل وياه
جرحه على جرحى واحمالى
صحيح بحب السهر والغنى
والمواويل والاشعار بتحلالى
لكنى فعز ضحكتى بخبى دمعتى
علشان شايفك هنا وقفالى
مستنية ايه من قلب اتكسر
واصبح حجر
مستنية بركان دمعى بينفجر
شىء مش هيحصل
لا فخيالك ولا فخيالى
دمعى لو ينزل هيهد بيت العشق
اللى بتحلمى بيه
هيكرهك فيا
وفاليوم اللى اتخلقتى فيه
علشان كدا ارحلى وسيبنى فحالى
لانى صعب ابكى الدمع عندى غالى
ومهما يكون جرحك
ولا يسوى من اللى جرالى
وياما كتير بنات قبلك
وجراح كتير ولا اتالم ولا اتكلم
وبدفن الجرح فى صدرى
علشان الصبر راس مالى
وعمرى ماقول انا مالى[center]
