منك انتى قلبى مات

منك انتى قلبى مات
بنت شات
زيها زى كل البنات
بتعرف عليها قالتلى
انا القمر والسما تبقى مدينتى
مانتيش القمر
مانتيش القمر ولا السما
تبقى مدينة ليكى انتى
انتى واحدة
زى اى واحدة
وكل واحدة زيك انتى
كذبت عليا بهمسها
وكذبت على روحى وصدقتها
انا اللى غلطان مالبداية عشقتها
ونسيت حبيبتى
اللى كانت زيها
بتفرح بتزعل بتصرخ بتجرح بتبعد بتعند زيها
تحس كانها
هيا بعينها الجرح والكبر والظلم ساكنين قلبها
هيا خانت
وانتى بردوا دلوقتى خنتى
انا كنت ماشى فسكتى
وحلفت امسح كل البنات من حياتى ودنيتى
القلب كان مجروح قوى
فارق كل البنات
ومسحت باديا الذكريات
ولقيتك انتى
واحدة بس بتملى قلبى بالاهات
يا فرحتى
الواحدة هى نفس اللى فاتت
ميفرقوش عن بعضهم التانية خانت
ليه
كل وردة بحس بيها
بمحبتى اسقيها
وقلبى يراعيها
القيها ماتت
بس الحقيقة
انتى غيرها
هيا خانت غصب عنها
مش بايدها
وانتى قتلتى الحب والفرحة جوا قلبى
انتى جرحك بالف جرح منها
قصة وفاتت
بس خانت
كانت مجرد حب عادى
الاعتيادى
اما حبك كان غير كل اللى فات
صحى جوايا الشعور ورجعت اكتب اغنيات
ارسم امانى واعزف عالامنيات
كان قلبى مجروح منها
ومنك انتى قلبى مات
فاى غنوة ليكى
بجد خسارة فيكى
مش هقدر اكتب تانى قصايد
اوصف فيها عنيكى
وازاى من غير قلب هحس بيكى
كفايا عليكى السكات
كان قلبى مجروح منها
ومنك انتى قلبى مات