nour.el3fifi
المساهمات : 5 تاريخ التسجيل : 10/08/2023
| موضوع: نور العفيفي الخميس أغسطس 31, 2023 2:40 am | |
| انا طالب الآه فالخمسينة 🤏 و خيانة بره مع الأوجاع إزاي بتخمني يا أخينا وتصب دموع مع كل خداع صبري مالآخر خلى باتعشم فالناس تتخلى شافوا الطيبة هوان ومذلة مشيو فسكة لوي دراع ... انا قارب هارب م الميناء وأوهم نفسي بإني سفينة وحياتي عايشها بتخمينة يا اتنين عور يا إما ضياع ... معروض للبيع فالبترينة ولا في شاري ولا بياع عجالي وطالب سكينة متعلق أربع ترباع قطع فيا سيبنى أتقلى أكلي حرام بس كباب حلة عض فقلبي وجهز خلة نضف باقي ضمير كان جاع ... الواد ب يقُشّ الكوتشينة وانا كومي.. غلبت أفندينا ب بجاحة أتشارك وسطينا شايب خايب فالأطماع كسٌر بعد الواد ١٠٠ قلة لملم عصافيرهُ ب يتسلى حصدوني وكوش عالغلة وقطع راسي جايبله صداع .. كحرامي بيوعد يحمينا من نفسي وسوء الأطباع أما أنت صحيح أبن لذينة حريف يا أخينا ف الإقناع وفلحظة شك ف نفسينا قالو فرحت.. وأهي قاعدة حزينة زودنا بلتنا ف طينة ب قالو وقلنا وباللى أتشاع ........ الغابة.. كبيرة تكفينا طول مالكل وحوش وسباع نتكسف ازاي من بلاوينا طول مالعفة بتبقى قناع- شعر نور العفيفي:
.. 3afifi | |
|