ماقلت لك لاتجرح القلب العليل
تدمي جراحه وانت ماعندك دواء
ذبحتني ياراعي الرمش الضليل
ياللي على وجنتك سلهامه هوى
هويت باسبابك وضيعت الدليل
واللي نويته كن قلبي مانوى
اجمًع اشتاتي وانا مالي حصيل
ياكود صوتٍ بين ضلعاني عوى
ياشبه مهره غيًها نسف الشليل
والا الظبي لا ذيره همس الهوا
معزلٍ ريان والقامه تهيل
والصدر كنه طلع تينٍ مااستوى
الطف بحالي جعل حالك مايميل
واحي الفواد اللي من اسبابك ذوى
