مستحيل يوم هجيلك
لان جيلى عمره ما هيبقى جيلك
انا جيل قديم عدى وفات
واللى باقى منه حبة ذكريات
وعمر قلبى تانى ميناديلك
فاكرة قلبى زمان كان بيحايلك ويداديلك
دلوقت فاض بيا الشعر وقتلت السكات
لانك انتى بالسكات خليتى قلبى مات
انا كل كلمة كنتى تقوليها كانت بتشدنى
وحبى ليكى كان قلب تالت بيحبنى و يودنى
دلوقت قدرت ابعد هاسيبلك واسيبك
لانى عمرى فيوم ماهكون حبيبك
ولان حبك وغدرك وظلمك جبل بيهدنى
كان بيرمينى فموج حتى موجك بيردنى
ملكيش مكان ولا طريقى هيكون سكتك
حتى دلوقت وانتى جاية بلهفتك
جاية مش عشانى جاية تشوفى حبك ازاى بيهزنى
انا القلب اللى عمره ماخان صعب خيانتك تهدنى
لكن اللى هزنى واللى هدنى قلبى اللى كان بيغنيلك
دلوقت بكرهه علشان اختار مثيلك
انا كنت عاشق الصمت وحبك فجأة خضنى
غير كل حالى ورسمت وياكى امالى وعندك صدنى
عدانى بمركبى الضعيف وسط نيلك
وكانت حروف شعرى بتشكيلك
دلوقت شعرى بيامرك وبيعزينى
والمركب بقى مشروخ وكيف من بحر الخوف يعدينى
يمكن اكون غلطان وشعرى ماقدرش يوفيلك
او لان النور ملوش مكان بليلك
قلمى كان غلطان علشان كان بيوصفك وعن احساسه يحكيلك
او ان معنى الحب عندى صعب يوصل لتفكيرك[center]