بصراحة عيب اللى يكون معاه كنز بيحبه وبسهولة يفرض فيه
لكن رأى شخصى وهو العقل انه لازم اللى يزرع وردة يرعاها ويسقيها
يغنيلها يحبها بكل كيانه
وانا خايف على ارضى وارض اجدادى
من بكرة على بكرة على ولادى
على تاريخك على مجدك
على عزك على نيلك
على نخلك على الوادى
على بلادى
...................
رعاكى الله يا مصر
وانا نفسى ارعاكى
وازرع فى اراضيكى
وارضيكى وارضاكى
لكن شايف اولادك موش حاسين
ومصر مريضة بتعانى بقالها سنين
يا ناس الرحمة ليه لسا مش فاهمين
ومش ساكتين
حماكى الله لكن قالى فى قرئانى
مش هاتغير غير لما بايدى اتغير بوجدانى
وازاى هاقدر اغير جيل وعشرين جيل
وقلمى كاتم احزانى
مانا لازم اصرخ اه ومليون اه
حتى يحسو اللى مش حاسين
ليه ساكتين
لاانا "كامل" ولا "زغلول " ولا هابقى(( صلاح الدين))
بقول يمكن تحسونى
تشدونى
وايدى فايدكم نبنى بلدنا مجتهدين
نغنيلها
ونسقى ولادنا من نيلها والبساتين
يمكن دا حلم يكون تايه حزين دبحاه السنين
لانه مش عارف يروح منين وييجى منين
حماكى الله بس باديا نفسى احميكى
ونزرع ارضك بولادك و نبنيكى
ولا يقدر فيوم واحد يعاديكى
ولا حتى يعديكى
وانا خايف على ارضى وارض اجدادى
من بكرة على بكرة على ولادى
على تاريخك على مجدك
على عزك على نيلك
على نخلك على الوادى
على بلادى
............
نور العفيفى
ما تظنينه ضعفى هو حنينى
وما تظنينه جنونى هو يقينى[center]