انا اللى فوقت فرحك يا بلد بغنيلك
فوقت جرحك تجرى اديا تشيلك
انا اللى زمان///دوقت العذاب الوان
انا اللى زمان///اعلنت انا الطغيان
ع____الظلم والقهر
ع____القاضى والسجان
................
انا اللى شربت من نيلك
فوقت صلاتى بادعبلك
انا اللى زمان///دوقت المر والحرمان
انا اللى زمان///كان الجرح لى عنوان
ف____وقت الفجر
بادعيلك تكونى امان
...................
لو مش فهمانى يا بلد دا مش غموضى
فعز المى يا بلد والصبر مودى
بس انتى ناضلى زينا
وياريت تفوقى
.......................
انا اللى باندبح واكتب حروفى
انك تتوهى با يلد دا كل خوفى
طول عمرك انتى شمسنا
ونصرك شروقى
بس انتى فوقى
......................
كنتى سامعة يا بلد كرباج الجلاد
كان بيدبحنى وقتل كل الولاد
دلوقت مش عارفة جلدنا
ده فعز نارك هانت حروقى
علشان تفوقى
......................
قلناها بصوت عالى لاخفنا من عسكر ولا خفنا من حاكم
الظلم له نهاية ولابد يتحاكم
وانتى بتبتسمى عايزة تهدينا
كفاية كدا ياولاد
متزودوش شوقى
....................
الظلم مش راح ينتهى صعبان عليا دماكم
عملتو كتير علشانى خلاص مسامحاكم
واحنا ولا هزنا
والله لتفوقى
......................
دوسنا عالجبروت وزرعنا فيكى الحلم
بسم الله والدين والصبر ويا العلم
واخواتنا اللى مننا
ضربونا برصاصهم
وعدو من فوقى
اخواتناكرهونا مات خلاص قلبنا
ولا هما هيحسو
ولا انتى بتفوقى
........................
نور العفيفى
(ما تظنينه ضعفى فهو حنينى_____ وما تظنينه جنونى فهو يقينى)[center]
