هي بنت من المعادى
كانت الوحيدة اللى عرفت
ازاى تقف قصادى
نستنى كل حبايبى
انا قولت عادى
... قابلت الود بصد
وكل كلمة وليها رد
وبرضو عادى
بس اللى مش عادى
انى اوعد حد
واتمنى اخلف ميعادى
انى اوهب عمرى ليها
لان يوم ماعرفتها
لحظة ميلادى
انا قلبى كان
ساكن شنطة سفر
نستنى السفر
وبقيت بلادى
واتارينى باضحك عليا
باحساس انتهى
وانا فاكرو لسا بادى
كل كلمة تزعل واصالح وادادى
ومرت كتير ايام
والامر بقى اعتيادى
واللى مش عادى
ان بعد الحب دا
تكسر فؤادى
مش عادى
لو كان عيل من عيالى
كنت ابيعو
وكانى مخلفتوش
ويبقى عادى
ومن الليلة دى
راح اخلى قلبى تحت رجلى
ليجى يوم ويحب حد ميستاهلش
من اليلة دى
مات كل عادى
وهيعيش عنادى
وبرضو عادى
نور عبد الرحمن العفيفى[center]
